BE.248 Logu no.18
SALELENG HO DI TANO ON

Ayat 1
Saleleng ho di tano on Patigor ma roham
Paingotingot ma tongtong Nidok ni Debatam

Ayat 2
Sai songon hau na denggan do Ramos parbue ni
Bulungna pe na uli do Antong sai tiru i.

Ayat 3
Godang do hinauli ni Aek mata i tongtong
Pasuman ma dirim tusi Sai baen roham sintong

Ayat 4
Bolongkon sian rohami Luhut na so ture
Alai na sian Tuhan i Ramoti ma sude.

Ayat 5
Sai tiru Tuhan Jesus i Naung ro humophop ho
Pambaenna nang hataNa i Hangoluanmu do.

Ayat 6
Ibana do padomu ho Tu Tuhan Debata
MudarNa diusehon do Di dolok Golgata.

Ayat 7
Arga do hita sasude Ditobus Jesus i
Ai naeng mangolu hita be Di adopanNa i.

Ayat 8
Antong ringgas ma hita be Mangalo dosa i
Tahangoluhon ma sude Na sian Tuhan i.
